No.3273/2019-2020
Aizawl Mayor leh Joint Surveillance Committee Chairman ni bawk chuan mipuite zawm turin Aizawl khawpui chhunga dawr hawn dan tur hetiang hian hriattirna a tichhuak.
Covid-19 laka mipuite kan him theihna tura hmalakna pakhat, veng tina essential commodities zawrhna dawr, damdawi zawrhna dawr leh Govt.Fair Price Shop hawn hun bik siam chungchang hi mumal taka kalpui tulin Joint Surveillance Committe chuan a hria a.Veng hrang hranga heng dawr hawn hun a inan loh avangin mi thenkhatin thenawm venga kalkualna remchangah an hmang tih hriat a ni. Hei hi mipui tan a him lovin Local Level Task Force-te tan pawh harsatna a thlen thei a ni.
Chuvangin mipui him zawkna atan Aizawl Municipal Area huam chhungah chuan heng dawr hrang hrangte hi hun thuhmunah hawn ngei tulin hriat a ni a. March 25, 2020 (Nilaini) atang chuan Aizawl Municipal Area huam chhunga veng tinah zing dar 7:00–9:00 inkarah chauh essential commodities zawrhna dawr, damdawi zawrhna dawr leh Govt.Fair Price Shop-te hawn tawh tur a ni a. He hun bituk bakah chuan heng dawr hrang hrangte hi hawn tawh loh tur a ni
