No.3272/2019-2020
COVID-19 hrileng mekah Mamit District chhunga Isolation Center leh Quarantine Center hrang hrangah vawiin Dt 24/3/2020 tlai dar 5 thlengin tumah dah luh an la awm lo.
Mamit District chhunga COVID-19 hri kai ni-a rinhlelh damlote awmna tur bik Isolation Center pariat, District Hospital Mamit, Marpara PHC, West Phaileng PHC, Reiek PHC, Rawpuichhip PHC, CHC Kawrthah, Kanghmun PHC bakah District Panchayat Resource Center-ah te vawiin thlengin dah luh an awm lova, hei bakah hian ram dang atanga Mizorama rawn lut, an dinhmun enfiah ngaite awm lailawkna atana buatsaih, Quarantine Center pasarih, Polytechnic Building Mamit, Convention Centre Tourist Park Reiek, Ngurlianthanga Hall Kawrthah, Community Hall Dinthar New West Phaileng, Vengpui Community Hall, Zawlnuam, Govt College Hostel Zawlnuam bakah BDO Rest House Zawlnuam-ah te khunghran an la awm lo a ni.
Mamit District-ah Home Quarantine mi 92 awm mekin chungte chu :
1 | Mamit Town | 16 |
2 | W. Lungdar | 1 |
3 | Dampui | 1 |
4 | W. Phaileng | 3 |
5 | Bawngva | 3 |
6 | Darlak | 5 |
7 | Lallen | 2 |
8 | Sihthiang | 4 |
9 | Kolalian | 4 |
10 | Tuipuibari | 3 |
11 | Tumpanglui | 2 |
12 | Hriphaw | 1 |
13 | Kawrthah | 1 |
14 | Tuidam | 3 |
15 | Damdiai | 2 |
16 | Tlangkhang | 4 |
17 | Kanghmun | 3 |
18 | Andermanik | 9 |
19 | Rajiv Nagar | 6 |
20 | Khantlang | 2 |
21 | Zawlpui | 1 |
22 | Pangbalkawn | 2 |
23 | Silsuri | 4 |
24 | Kanhmun | 5 |
25 | Zawlnuam | 1 |
Heng te hi anmahni chenna inah khung hran an ni a. Hei bakah hian rampawn atanga khualzin rawn lut, address chhinchhiah loh ina inkhung hrang tura tih hi mi 4 an awm bawk.
Novel Coronavirus ( Covid - 19) khawvel hmun hrang hranga leng mek laka Mizoram a him theih nana invenna kalpui mekah Mamit khawpui chhungah pawh Sawrkar hmalakna mipui te'n an zawm tha viau a, Veng hrang hranga Village Level Task Force te'n duty insiamin an duty bawk a ni.
