Vawiin khan DAY-NLUM Celebration of Urban Prosperity kal zelah Street Food Festival hlawhtling takin Champhaiah hman a ni a, Pu Liansangzuala Chhakchhuak, Addl DC, Champhai District bawrhsap Charge la mektu chuan khuallian niin a hmanpui.

He Festival in a tm chu DAY-NLUM hnuaia hamthatna awmte pho lan a, khawpuia cheng miretheite tana sum hai luhna kawna DAY NLUM hnuaiah hian  kawng mumal tak a awm a ni tih hriattir a ni.

Khuallian Pu Liansangzuala Chhakchhuak chuan Urban Develpment hnuaia hmathatna hrang hrangte leh sawrkar laipuin khawpuia mirethei te'n eizawnna ngialnghet an neih theihna turin duhsaktakin hma a lak thu a tarlang a. Self Help Group hi a mihring tam lam ni lovin a awm chhunte sum tlem te te thawhkhawm atanga intundin hi Self Help Group in a tum a ni a ti a. SHG chu mi tlemte intelkhawm a ni a, hlawhtling tur ngaih a nih laiin pawisa chhunkhawm velah a buai fo thin avangin a hlawhchham fo thin niin a sawi a,  SHG chu hlawhtling taka kalpui a nih theihna turin tan lak a ngaih thu sawiinmi ti ve mai mai tan hlawhtlinna a awm thei lo va SHG dinchhuah pui ngei turin a chah bawk.

Khuallian chuan Group ang chauh ni lovin mimal ang pawha tihtakzet leh taima taka kan thawh a ngai a ni a ti a, Mizoam hi ram leilung tha tak a nih avanging ram tana innghahna tham nih thei khawpa kawng kan zawn a ngai a n a ti bawk. Thlai leh thei chi hrang hrang chin kawngah hmala thar a, Self Help Group hi hlawhtlin pui ngei turin duhsakna a hlan a, Sreet food festival a inpho te pawh vawiin hunah chauh inpho lova, vawiin an inpho hi ei tur hrang hrang an siam thei a ni tih mipuite an hrilh hriatna chauh a nih thusawiin hlawhtlinpui thei khawpa hmalam pan zel turin duhsakna a hlan a, Street Food Festival hi a hawng a, Street Vensor te hnenah ID a sem nghal bawk.

Pu K. Lalhmuakliana, District Urban Development Officer, UD&PA chuan kalkhawmte chibai bukna neiin DAY-NULM hi khawpui a cheng mi rethei leh harsa te chawikanna tur atana ministry of Housing & Poverty Alleviation Sawrkar laipui Flagship Programme pawimawh ber pakhat a nih thu a sawi a, he mission hi september ni 24, kun 2013 ah India ramah bul tan niin Mizoramah pawh Urban Development & Poverty Alleviation Department in a kalpui thu a tarlang a, DAY-NULM thil tum hrang hrang leh NULM in a kentel hrang hrang te a tarkang nghal a, Self Help Group 76 an awm mek thu a tarlang tel bawk.

He hunah hian Pi C. Ramdinmawii, Asst. Director Food & Drugs, CMO Office hnen atangin ei leh in siam kawngah thianhlim taka ei in siam dan leh tihdan tur hrang hrang te ngaihthlak a ni bawk.

Street Food Festival ah hian Self Help Group hrang hrang te chuan dawr hrang hrang an siam bakah ei tur siam hrang hrang an awm bawk a, chawhnu lamah entertainment hun hman a ni bawk.