Vawiin khan DC Conference Hallah DC office a hotute, Planning Department hotute leh Local Council hruaituten My Project, My NEDP - Mipui Mamawh Intawm Ruahmanna (MIMIR) chungchang sawihona neih a ni.

He Project hi NEDP hnuaia kalpui a ni a, a tum ber chu khua leh veng ten anmahni rilrem leh duh zawng intawm hmasawnna tluantling leh ziktluak siam a, hnam rotling leh eizawnna tling siam leh sumhnar chang ni thei bawk project insiam a ni. Project siam tur hian ‘Consultancy Firm’ rawih phal anilo a, mahni khua/veng a cheng emaw khua/veng chhuak mithiam rawn leh chhawr phal a ni. He project atan hian cheng vaibelchhe riat (Rs.Vbc 8) dah niin, district tin tan Rs.Vbc 1 dah a ni.

Local Council/Village Council tinte kaihhruaina hnuaiah MIMIR Joint Committee dinin NGO hrang hrang aiawhte an tel tur a ni a, anmahni kaltlang hian Concept Paper chu thehluh tur a ni. LC/VC pakhat atangin project pakhat theuh an thehlut thei ang. 

Project proposal / Concept Paper chu DC Office theuha thehluh tur niin, DC kaihhruainain MIMIR Committee in a endik ang a, project neitu theuh ten Committee hmaah hian an Concept Note chu sawifiahna an nei bawk ang. Project ti tha ber hnenah a taka an kalpuina turin Rs. 100 Lakhs (Rs.Vbc 1 ) pek an ni ang. Project proposal / Concept Note hi DC Office theuhah ni 16 July 2018 thleng thehluh theih a ni.