Vawiin khan DC Office Chamber ah Pi Lalbiaksangi District Bawrhsap hoin District Task Force on Immunization an thukhawm a. Intensified Pulse Polio Immunization (IPPI) 1st Round, January 2017 chhunga hmalak dan tur microplan thlirlawkna neih a ni.

IPPI 1st Round-ah hian Mamit District chhunga khaw 83 a mihring10912 te chu Oral Polio Vaccine (OPV) pek tura ruahmanna siam a ni. Heng OPV te hi Mamit District chhunga PHC 8 - Mamit, Kawrtethawveng, Kawrthah, Zawlnuam, Rawpuichhip, W. Phaileng, Phuldungsei leh Marpara hnuaia Health Worker leh Medical Staff ten vaccine hi headcount hmanga pek vek tura ruahman a ni a, heng bakah hian BSF Personnel BOP amiten Silsuri leh Hnahva khuaah te hian Health Worker te lo pui tura ngen nise tiin an rel bawk.

Vawiin meetingah hian nikum 2016 chhunga IPPI Round 1 leh Round 2 thlirlet nghal niin Round 1 ah 95.9% leh Round 2 ah 99.6% hlawhtlinna an hmuh thu tarlan a ni.

India ram chu WHO tarlan danin kum 2014 khan Polio Free ramah puang tawh mahse kan thenawm ramte atanga natna hri hi lo la lut thei reng a ni avangin invenna hi uluk taka kalpui a ngaih thu meetingah hian tarlan a ni.

Vawiin thutkhawmah hian Chief Medical Officer (CMO) Mamit, Senior Medical Officer (SMO) Mamit, Addl. S.P Mamit, official dang bakah President Joint Village Council, Mamit leh Tlawmngai Pawl hruaitute an tel a ni.