Vawiin khan Sports Minister, Mizoram State Sports Council (MSSC) President ni bawk Pu Zodintluanga Office Chamber ah Mizoram State Sports Council Executive meeting neih a ni.

Meeting ah hian thu pawimawh hrang hrang sawiho a ni a. National Junior Archery Championship October 2017 a neih tura tinzawn Mizoram Archery Association in a thleng thei tur chu lawmawm ati a. Hei bakah hian Mizoram Badminton Association in North East Badmintion Championship September-October 2017 a thleng thei tur chu tha tih tlan a ni a. Heng intihsiakna te hi hlawhtling taka neih a nih theih nan Association 2 te leh MSSC chuan a tul ang zelin thawkho tura tih a ni.

Kulikawn Indoor Stadium, Kulikawn Khawtlang leh MSSC in an in enkawl tawm thin chu Kulikawn YMA ina a rawn dil angin Kulikawn YMA kuta hlan tura rel niin, a hun leh ni tur chu MSSC Office ruahman tura rel a ni a. MSSC Act 2002 in a phalsak angin R.Dengthuama Indoor Stadium Mualpuiah Generator lian bun tura rel a ni a, hemi bakah hian Hawla Indoor Stadium-ah pawh la dah leh tura sawiho a ni. Mizoram Kickboxing Association Executive Committee in Ad-Hoc Office Bearers an thlan pawmpui tura an rawn thlen chu sawiho niin, MSSC Vice President, Pu John Kima kaihruaina hnuaiah member 2 dang ten nena la zirchian phawt nise tiin thutlukna siam a ni a.

Meeting chuan Executive Committee Member ni lai mual liam ta Pu F.Rotluanga chu ral tha tiin, hun remchang hmasa bera ral tura rel a ni. Executive Committee Member ni mek thi an awm chuan MSSC chuan ral zel turin thutlukna a siam bawk a ni.