Aizawl Beautification Committee thurel bawhzui in Aizawl Bawrhsap Dr. Franklin Laltinkhuma hovin Local Council hotute, Telephone Service Providers, Cable Television Operators aiawhtute leh officials te chuan Aizawl khawpui chhunga Telephone leh Cable Television Providers te hruithlun hnawk deuhva hriat te felfai zawka thlun dan tur ngaihtuah hovin Aizawl District Bawrsap Pisa ah an thu khawm.
Mizoram sawrkar chuan Aizawl khawpui a lo mawi a, a lo felfai zawk theih nana hmala turin Aizawl Beautification Committee hetiang hian tunhnaiah khan a lo din tawh a :
Chairman - Commissioner & Secretary, GAD
Member Secretary - Deputy Commissioner, Aizawl
Members - Engineer-in-Chief, PHE
Chief Executive Officer, AMC
General Manager, BSNL
Manager, Zonet/LPS Cable TV.
Superintendent of Police (Traffic), Aizawl
Director, UD & PA Deptt.
President, Local Councils Association
Representative of Central YMA
He Committee hnuaiah vengchhung bik theuh vil turin veng tinah Local Level Beautification Committee (LLBC) hetiang hian din vek tawh a nibawk:-
Convener - Zonal Office
Chairman - Chairman, Local Council
Vice-Chairman - President, Branch YMA
Secretary - Secretary, Branch YMA
Members - Local Council Member zawng zawng
Branch YMA OB te
President, Branch MHIP
Prominent Cititzens (2 aia tarn lo)
Linesman from P&E Deptt.
Representative of Traffic Police
Representatives of BSNL
Representatives of Zonet & LPS
Vawiin a Aizawl Beautification Committee thukhawm chuan Raj Bhavan Chhimlam Gate leh Chanmari Kawn inkar kawngpui dunga hrui hnawk chinfel hna hi hna hmasa ah neih ni se an ti a. Chumi hnuah veng hrang hrangah a tahtawla hna thawh zel ni se ti in a rel bakah he hmalakna a lo hlawhtlin nan mipuite tawiawmna an ngen a ni.
Vengchhung bik theuh atana veng tin a din Local Level Beautification Committee (LLBC) pawh in phur takin hma an la tan tawh a, an bial chhung theuha telephone/internet/TV leh electric hrui hnawk leh fual chinfel ngaite pawh an enfiah tan tawh a ni.