Vawiin khan Kolasib DC Pu H. Lalengmawia, IAS hovin a office-ah District Task Force on Immunization (DFTI) chu an thukhawm a. National Immunization Day puala zeng hri venna Intensified Pulse Polio Immunization (IPPI) thawhhnihna (2nd Round) February ni 23 a kalpui dan tur sawihoin ruahmanna siam te an thlir ho a ni.

Pu H. Lalengmawia chuan DTFI member te chu zeng hri danna pekna hmunah ah te kal kuala vaccine an pek dan enpui tura chahin an inpeknaah lawmthu a hrilh. He hunah hian World Health Organization-a Surveillance Medical Officer Dr. Lalhlimpuii pawh telin IPPI chungchang chipchiar leh zau takin a sawi a ni.

Meeting-ah hian IPPI thawhkhatna January ni 19 a neih chu thlirletin IPPI Booth tana Microplan siam leh thawhhnihna kalpui leh enpui dan tur sawiho a ni a. IPPI thawhkhatna January ni 19 leh January ni 21 2016 inkarah neihah khan DTFI chuan Kolasib District chhunga naupang kum 5 hnuai lam 10347 zeng hri danna pek turah ruahman chu khumin naupang 10610 hnenah zeng hri danna an pe a. A thawhhnihnaah hian naupang 10314 zeng hri danna pek leh an tum a ni. A thawhkhatnaah khan Mizoram pumah naupang 1,25,099 te hi zeng hri danna pek an ni a. Mizoram pumah achievement chu za zelah 98 anih laiin Kolasib District achievement chu za zelah 104 a ni.