Aizawl DC Pu Kannan Gopinathan, IAS hovin vawiin khan Independence Day 2016 lawm zawh tak thlirletna neih a ni a. Independence Day lawmna programme chu tha leh lungawithlak an tih thu an sawi a. Independence Day hmanna atana tha leh zung thawhtu zawng zawng hnenah Independence Day Celebration Committee Chairman Pu Kannan Gopinathan DC chuan lawmthu a sawi a ni.

Meeting chuan Independence Day lawmna ceremonial function neih laia school naupang engemaw zat an tlu chu hun lo kal zela National Day lawm leh huna a thlen tawh loh nan hmalak nise an ti a. Sikul naupangte pumruak riltama an awm lohna turin Independence Day parade hmain eitur pawh pek nise an ti a. Independence Day parade a telve ngei tur sikul naupang pakhatin vanduaina tawka nunna a chan chu pawi an tih zia an sawi a ni.

Department hrang hrangte Independence Day lawmna tura tih tur Committee in a tukte a mal mala thlirin felhlel tlem awmte chu a thlen tawh lohna turin a mawhphurtu Department hotute hnenah Committee chuan a hriattir nghal bawk a ni.