Vawiin chawhnu khan DC Conference Hall, Kolasibah Pi Sangchhin Chinzah, Deputy Commissioner, Kolasib district hovin Krismas leh kumthar hman dan thlirletna neih a ni a, Sawrkara hotute leh Khawtlang hruaitute telin, harsatna lian tham a awm loh thu leh boruak muanawm tak hnuaia hunpui hman a nih thu tarlan a ni.

Kolasib district chhung a Krismas leh kumthar boruak nuam leh muanawm a awm theih nan Sawrkar Dan leh thupek ken kawhna lam a mawhphurtu department te leh tlawmngai pawl hrang hrangte thawh hona a that thu tarlan a ni a, buaina leh chhiattawhna lian tham a thlen loh thu sawi a ni bawk. Boruak tichhe thei halpuah leh hal mawi zawrh leh hal khapnate pawh mipuiin tha tak a an thlawp thu leh midang tan a hnawksak khawp bengchheng a awm loh thu tarlan a ni bawk a ni. 

Hunpui boruak thlirletna hi Pi Sangchhin Chinzah in kaihruaiin khawtlang leh tlawmngai pawl hrang hrangte hruaitute inpekna leh tawiawmna ah lawmthu a sawi a ni.