No.4243/2021-2022
Aizawl 11th March, 2022 : Vawiin khan DC Office Chamber, Mamit-ah Pu Lalnunhlua, District Bawrhsap hovin NH 44A siam mektu PWD hotute leh Contractor te'n NH 44A kawng sial hna thawh mek chungchangah inkawmhona an nei.

Meeting-ah hian Dampui Diversion chu April thla chhungin Blacktop zawhfel vek an tum thu kawng siam mektu Contractor chuan a sawi a. Tuidam Diversion pawh buaina dang a awm loh chuan May thla chhungin zawhfel an inbeisei thu a sawi a. Darlak Teirei lei dawh thar tur chu kumin December thla ral hmaa dawhfel hman an tum thu a sawi bawk.

Meeting-ah hian Highway EE, JE leh Contractor bakah Addl. DC leh SDO (Sadar) Mamit te an tel a ni.