No.4242/2021-2022
Aizawl Vau thla ni 11, 2022: Iconic Week of International Women's Day, 2022 lawmna pualin District Rural Development Agency (DRDA), Lawngtlai leh Block Development Officer (BDO) office, Lawngtlai te huaihawtin vawiin khan Lawngtlai District chhunga RD Block hrang hrang atanga Mahatma Gandhi National Rural Employment Guarantee Scheme (MGNREGS) leh Deendayal Antyodaya Yojana - National Rural Livelihoods Mission (DAY-NRLM) hnuaia hmeichhe hna thawk thate chawimawina hun hman a ni.

He hun hi BNRGSK Hall, Lawngtlaiah hman niin, Lawngtlai BDO Pu Lalthakima Chhangte chuan hun a kaihruai a. DRDA Lawngtlaia Project Director Pi Marilyn Rualzakhumthangi chu khuallian niin, khuallian hian MGNREGS hnuaia women mate pariat leh women beneficiary pariat hnenah chawmawina thuziak a hlan a. DAY-NRLM hnuaia self help group (SHG) member hmeichhe sawmpathum hnenah chawimawina thuziak a hlan bawk a ni.

MGNREGS hnuaia women mate chawimawina leh women beneficiary chawimawina dawng tur hi Lawngtlai District chhunga RD block pali - Lawngtlai, Chawngte, Sangau leh Bungtlang 'S' atangin pahnih theih thlan chhuah an ni a. DAY-NRLM hnuaia chawimawina dawng tur hi Lawngtlai Block atangin pali leh block dang pathum atangin pathum theuh thlan an ni bawk.

He hunah hian khuallian leh chawimawina dawngtute hnen atangin thu sawi ngaihthlak a ni a. MzSRLM Lawngtlai RD Block-a Block Mission Manager Pu Jerry Zirnunmawia'n lawm thu sawiin hun a khar a ni.