Vawiin chawhma 10:00 khan Aizawl DC Dr. Franklin Laltinkhuma, IAS hovin Rangvamual leimin chu enfiah leh a ni. A hmuna meeting nei nghalin hmalak dan tur sawiho hnuin rawtna an siam a. Rawtna pawimawh zual bik te chu:

1. Helai kawng NH-54 hi duhthu samin a la tlang thei lova, leivung leh lung tla mai thei te thenfai leh paihin kawng tihzauh hna thawh a ngai dawn a. He hna hi November ni 15 leh 17 inkara thawh nise, hnathawh chhung (nithum) hian kawng hi khar(block) nise. He hna tan hma (Road Block hma) hian Food, Civil Supplies & Consumer Affairs Department chuan mipuiin harsatna an tawh loh nan buhfai leh tuialhthei a tam thei ang ber lo chhek khawl se.

2. Helai kawng khar(block) anih hma hian Airport By-pass Road atan PWD Road (North Division) in Ramrikawn atanga PTC peng via Sakawrtuichhun kawng hi a khuar chhilh leh a chhe zual lai te an siam tha ang.

3. Rangvamual Road Block chhung hian Lungdai kawng lamah motor tam tak kal a ngaih dawn avangin BRTF ten Kawnpui to Durtlang inkar kawng hi ngun takin lo vil se.

4. Helai ram laitu (mimal pahnih) ten an leivung paih tur chin PWD in lo rin fel se. A paih man senso hi helai ram laituten an tum ang.

5. Helai hnathawh chhung hian PWD Highway Division leh Geology & Mineral Resources Department ten uluk takin an vil reng tur a ni.

Vawiina Rangvamual leimin enfiahna ah hian Addl. DC, Aizawl Pu Lalchhungnunga leh Aizawl DC Office a officer engemawzat te; FCS&CA, Joint Director, Dr. Andrew H. Vanlaldika; Geology & Mineral Reosurces Department, Joint Director Pu Lalhmachhuana leh Geologist dang pahnih te; Pu R. Lalthanmawia, SDO, PWD leh Rangvamual YMA leh Local Council hruaitute an tel a ni.