No.2002/2021-2022

Aizawl, 26th August, 2021 : Nimin, 25th August, 2021 khan Aizawl District Bawrhsap Dr.Lalhriatzuali Ralte, IAS hovin District Committee member for “Nasha Mukt Bharat Abhiyan Mizoram (Drug Free India Campaign Mizoram) ten D.C Conference Hall-ah an hmalak tawhte thlir hovin ruihhlo dona campaign kalpui zel dan tur an sawiho.

Narcotics Control Bureau report leh Ministry of Social Justice & Empowerment in India ram puma survey a neih atangin ruihhlo hmansual hluarna bik district 272 thlan chhuah a ni a. Heng district ah te hian ruihhlo chungchanga inzirtirna ngawrh zawka kalpui a nih theih nan Nasha Mukt Bharat Abhiyan(Drug Free India campaign) chu ram chhung hmun hrang hrangah kalpui turin ruahmanna siam a ni a. Mizoramah pawh district pathum - Aizawl, Champhai leh Kolasib ah te hmalakna hi kalpui mek a ni.

Nasha Mukt Bharat Abhiyan in a tum ber chu ram rohlu thalaite ruihhlo tilo tura zirtir(early prevention) leh tanpui ngai an nih chuan tanpuina hmun hrilh leh hruai thlen a ni a. Nimina Aizawl D.C hova meeting chuan hetiang hian hmalakna tur an rel a ni -

1. Aizawl district chhung college hrang hrangah te campaign neih.
2. Zirna in bul hnaia ruihhlo leh vaihhlo atanga thilsiam te danin a phal chin bak zuar an awm loh nana hmalak
3. School naupang leh Sande Skul naupangte hnenah ruihhlo leh a kaihhnawih chungchang zirtirna tam zawk neihpui
4. Damdawi ruihtheih chi awlsam taka hralh chhuakte leh danin a phal chin bak zuarte dap chhuahk tura hmalak.
5.Kohhran leh Khawtlang hruaitute nena thawh hova, ruihhlo leh a kaihhnawih chungchang inhrilh hriatna hun hman
6. Aizawl District Committee member ten drug treatment services hrang hrang te tlawh kuala, thalaite nasa lehzuala hmang tangkai tura sawihona neihpui te a ni a.

He meeting ah hian Mizoram Police, Health Department, Education Department, Legal Service Authority, Social Welfare officers, CYMA, Prominent Citizens leh NGO hruaitute an tel a ni.