Vawiin khan Kolasib DC Pu H. Lalengmawia, IAS hovin a Office Chamber ah Swacch Bharat Mission (Rural) meeting neih a ni a. Meeting ah hian Kolasib DC chuan Kolasib District chu Open Free Defecation District atana puan anih theih nan Member tin te chu ngaihtuahna senga, inpawh taka hma la turin a sawm a. Hemi atan chak leh sawt zawka ODF chungchanga hmalak anih theih nan Corporate Social Responsibility (CSR) kaltlanga kawng awm thei te ngaihtuah a tum thu a sawi bawk.

Meeting ah hian Pu F. Sanglura, EE PHE chuan Open Free Defecation chungchangah District dihmun, an hmalak tawhna chin leh an hmabak chungchangte a report a. Thingdawl RD Block hnuaia khaw 12 leh Bilkhawtlir RD Block hnuaia khaw 7 te Open Free Defecation an nih thu an rawn intiamkam chu, a enfiah dan tur ruahmanna a ni nghal a, enfiah an nih hnu hian heng khua te hi Open Free Defecation khua a puan anih theih State Level meeting ah la pharh tur a ni.

ODF chungchangah leh inthiarna sak nan hian MNREGS te kalkawppui dan pawh zau taka sawi ho a ni a. Meeting hian DRDA, Kolasib Project Director leh Bilkhawthlir leh Thingdawl RD Block BDO ve ve te an tel a ni.