3027/2022-2023
Aizawl, the 13th December 2022 : Vawiin khan Dr.Lalhriatzuali Ralte IAS, Deputy Commissioner, Aizawl District kaihhruaina hnuaia ‘Nasha Mukt Bharat Abhiyaan (Drug Free India Campaign)’ Aizawl District Committee Member-te chu Mizoram Social Defence & Rehabilitation Board, Social Welfare & Tribal Affairs Department Training Hall, Chaltlang ah an hmalak tawhna te thlir hovin, hmalak zel dan tur te an relin an thukhawm.

Meeting ah Dr. Lalhriatzuali Ralte IAS, Deputy Commissioner, Aizawl District chuan hmalak zel dan tur ruahmanna hrang hrangte (Action Plan), Budget leh a kaihhnawih te sawiin member te sawihona hun a hawng a Nasha Mukt Bharat Abhiyaan (NMBA) Mizoram, Aizawl District Committee chuan, hmalak chhoh zel dan tur te an rel a.He meeting ah hian Mizoram Police, Health Department, Education Department, Social Welfare Officers, Prominent Citizen leh NGO hruaitu-te an tel a.

India ram-ah Ruihhlo hmansual hluarna bik district 372 ah te hmalak niin, Mizoramah pawh district paruk (6) Aizawl, Champhai, Kolasib, Lawngtlai Lunglei leh Mamit ah te hmalak chhoh mek a ni. Nasha Mukt Bharat Abhiyaan (Drug free India campaign) in a tum ber chu Thalai-te Ruihhlo tilo tura zirtir (Early Prevention) leh tanpui ngai an nih chuan tanpuina hmun hrilhhriat a hruai thlen hi a ni. Chu mai bakah hmeichhia te zingah hmalak chhoh mek bawk a ni.

Chak zawk a hmalakna te kalpui anih theih nan Nasha Mukt Bharat Abhiyaan Aizawl District Committee hnuaiah hian Sub-Committee hrang hrang pali (4) din a ni a.

1. Task Group sub-committee

2. Drug prevention in School & Colleges sub-committee

3. Sub-committee on Near Drug free village/Locality

4. Kohhran te nena sub-committee
Heng sub-committee te hian anmahni zawn theuhvah ruihhlo dona kawngah chak takin hma an la mek a ni.

Mizoram Social Defence & Rehabilitation Board, Social Welfare & Tribal Affairs Department in naupang kum 18 (yrs) hnuailam ah zirchianna ‘Study on Drugs and Children in Mizoram 2022’ a neih ah khan naupang school kallai mek leh kal tawhlo (school drop out) te pawhin ruihhlo hi an lo hmelhriat hle tawh a, naupang ruihhlo ti thin te zingah rilru lam kaihhnawih harsatna a tam phah thei ni a hriat a ni a, a bik takin inattention, anxiety leh depression te. Heng avang te hian Nasha Mukt Bharat Abhiyaan Aizawl District chuan nasa takin kum naupang zawk te, Middle school, High school, Higher secondary school leh College zirlai te zingah ruihhlo tilo turin zirtirna an kalpui mek a ni.

Aizawl khawchhung hmun hrang hrang Damdawi dawr (118) te fang kualin Damdawi ruihtheih chi kum tlinglo (below 18 yrs) te hnenah hralh lo tur leh Doctor prescription tellova damdawi abik takin ruihtheih chi pechhuak lo turin hriattirna te Aizawl SP chairmanna hnuaia Task group te chuan an lo nei tawh bawk a ni.