No.2224/2021-2022

Aizawl, the 15th September 2021 : Vawiin khan DC Office tual zawlah Swachh Bharat Mission (Gramin), Kolasib District buatsaihin Azadi Ka Amrit Mahotsava, India zalenna cham vawi 75-na lawmna pual a ‘Satyagrah se Swachhagrah Rath Yatra’, ‘Faina Beihpui Kawng zawh’ chu Dr.H.Lalthlangliana, Deputy Commissioner-in a vai liam.

Dr.H.Lalthlangliana chuan fai duhna thinlung tel lo chuan faina kawnga hmalaknaten awmzia a neih theih loh thu sawiin fai duhna thinlung putur a inzirtir a pawimawh thu a sawi. Bawlhhlawh thliar hran chungchangah chhungkawtin atanga hmalak a pawimawh thu tarlangin bawlhhlawh siam tlem zawnga khawsak thiam a pawimawh hmasak thu a sawi bawk a ni. Plastic hmanga thil siam hrang hrang hman tlem uar zel turin kalkhawmte a chah a, PHE Department hmalaknaa Plastic Bailing Machine, Thingdawl ami chu tangkai tak a hman chhoh a nih a beisei thu a sawi bawk a ni.

Hun kaihruaitu Pu H.Lalsiamliana, Sr.EE, PHED chuan ‘Faina Beihpui Kawng Zawh’ chu ni 15-17th September 2021 chhung hian Kolasib district chhunga khaw hrang hrangah bawlhhlawh thenfai leh vantlang hmun bal zualte tihfai a rawng hnawih that hnate kalpui a nih tur thu a sawi a September ni 20, 2021 atang hian Plastic vawi khat hman chi hmang tawh loh turin khaw tinah hmalak tum a nih thu a sawi bawk a ni. Khaw tinah faina chungchanga harsatna awm te zirchiang a khawtlang hruaitute nen ruahmanna siampui turin PHED, Kolasib Watson-a thawktute chu an kal chhuah tur thu a sawi bawk a ni.

He hunah hian Kolasib district-a sawrkar department hrang hrang hotute, NGO hruaitute leh PHED, Kolasib Watson Division-a thawktute an tel a ni.