No.2223/2021-2022

Aizawl, the 15th September 2021  : Vawiin chawhma dar 11:00 Am atang khan Siaha khawpui-ah Covid-19 Test Runpui (Mass Testing) neih tan a ni.

Siaha District Covid-19 hripui chuan kiam lam a la pan thei loh avang leh pun lam a pan zel avangin Siaha bialtu MLA leh Minister nibawk Dr. K. Beichhua chuan ruahmanna siamin Test Runpui hi neih a ni.

Siaha khawpui chhunga hmun thlan bik a test runpui hi kalpui niin, Medical team te hi veng hrang hrang VLTF ten an veng theuhah an lo tawiawm zel a ni.

Test neihna hmun leh a viltu doctor te chu:

1. New Colony-II Anganwadi Centre-ah neih a ni a, Dr. Ngursangzuali, MO, RBSK leh Dr. Joseph Lalmalsawma, MO, RBSK ten an ho a ni

2. New Siaha East-I&II MYA Multipurpose Hall leh School-II Field ah te neih a ni a, Dr. Zomuankimi, MO, RBSK chuan a ho bawk a ni.

3. New Siaha West-I&II te hi Baptist Kohhran Hall leh Integrated Mass Transit Terminal ah te neih a ni a, Dr. Zomuankimi, MO, RBSK chuan a ho hlawm a ni.

4. Siaha Vaihpi-I&II te chuan Vaihpi Field Pavilion-ah neih ve lehin, Dr. Ngursangzuali, MO, RSBK leh Pi Lalawmpuii, Clinical Psychologist, Mental ten an ho bawk.

5. Siahatlâh te pawhin Bazar shed-ah neihin, Pi S. Laltanpuii, Consultant, NTCP chuan a ho hlawm a ni.

6. Meisavaih East te chuan Meisavaih Community Hall-ah test runpui hi neih vein, Dr. Jerry B. Lalremtluanga, MO, RBSK chuan a ho hlawm a ni.

7. College vaih-I&II te pawhin VLTF Duty Post-ah leh VC house, AOC hmunah te test runpui hi an neih a ni. Pu Eric C. Lalchhanchhuaha, Physiotherapist, NCD chuan a ho hlawm bawk a ni.

He Covid-19 Mass Testing Siaha khawpui a neih tur hian Aizawl atangin Dr. Pachuau Lalmalsawma, State Nodal Officer, Covid-19 & IDSP, Pu Lalfakzuala Pautu, Entomologist, IDSP Operation Incharge, State Field Laboratory Unit, IDSP, DHS; Pu David Lalhmachhuana, Data Analyst te bakah Laboratory Technicians mi 22 leh Data Entry Operators mi 18 te an rawn kal a ni. An team member zawng zawngte hi 48 an ni a, Bus 2 leh Motor te chi hmangin an rawn kal a. An zinna senso zawng zawng hi Siaha Bialtu MLA&Minister nibawk Dr K. Beichhua chuan a tum vek a ni.

Vawiin Mass Testing hi a tul dan a zirin naktuk lamah pawh neih chhunzawm zel tura ruahman a ni bawk.