3169/2022-2023

Siaha; the 1st January 2023: Nimin chawhma dar 11:30AM khan DC Conference Hall-ah Siaha Town chhunga VC 23-a VCP te hnenah an Village council hnuai theuva chhungkaw harsa zual te hnena sem chhawn tur Blanket 7 theuh  "Every Infant Matters Association" te aiawhin bawrhsap Pu Lalsangliana chuan VCP te hnenah a hlan hlawm a ni. 

He Blanket hi  New Dehli-a NGO pakhat "Every Infant Matters Association" te hnen atanga Pi Lalnunmawii,Addl DC in a zuk dilchhuah a nih thu district bawrhsap Pu Lalsangliana chuan a tarlangin, kan Addl.DC hian Blanket bakah Naupang te tan Vitamin leh De-worming damdawi te pawh zuk dil telin, Every Infant Matters Association te  pawhin kan mamawh zat details te kan thawn hunah an lo thawn tur thu an lo sawi tawh a ni; tiin, Addl.DC hnenah pawh kan district tana a hmalakna avangin lawmthu ka  sawi tak zet a ni, a ti.