Nimin January 16, 2014 khan Kolasib DC Pu Jitender Yadav, IAS chuan Kolasib District chhunga thuthar thehdarhtute a office chamber-ah lengah sawmin a titipui a. Media mite chu an rawngbawlna-ah fakin rinawm taka an hna thawk tura a duh thu alo hrilh a ni.

Pu Yadav chuan, Kolasib DC hna a chelh hnua a hun remchang neih hmasa bera chanchinbumite hi hmuh a duh thin thu a sawi a. Tualchhung chanchinbute chu an titha thawkhat hle a a hriat thu a sawi a. Kawng tinrenga sawrkar nen inrawn tlang a, infinchhuah tawn tha a tih thu a sawi a. Kolasib khua chu khaw nuam tak nia a hriat thu sawiin a hmun hma a rem avang leh lawilenna te a nawm bawk avangin mawi taka chei chhunzawm a duh thu a sawi a. Thing mawi phun uar a, tun anga chenna In bit lutuk lo tura kan cheibawl chhoh chuan khaw nuam leh boruak tha tak ala ni chho zel ang tih ka beisei a ni, a ti a ni.

Pi Lallianpuii, DIPRO chuan Media ten District administration theihtawpa puibawm tura an inkau reng thin thu sawiin Pu Jitender Yadav chu District awptu a nih angin theihtawpin an pui thin dawn tih a sawi a. Thurawn an neih angte lo ngaihthlaksak a, a tul anga lo bawhzui thin turin a ngen bawk a ni.

Chanchinbumite hian District hmasawnna tur nia an hriat thil thenkhatte DC hnenah hian an thlen a ni.