Vawiin khan Mizoram Tourism Development Authority (MTDA) chu an Chairman, Tourism Minister Pu John Rotluangliana hovin a pisaah an thukhawm.
Meeting-ah hian MTDA dan siamthat nual a ni a, Sr. Vice Chairman-ah Parliamentary Secretary (Tourism) ruat niin, Mizorama khualzinte hip na tur, Aerosports atana hmalakna hrang hrangte chu kumin February chhunga activate hman tura ruahman a ni a; Lungtian leh Thenzawla Rural Tourism buatsaih chhoh mek chu uluk leh tangkai taka hmalak chho zel tura rel niin, Tourist Lodge thar sak zawh te leh thawm that te pawh hman theih tura hawn te bakah, Tourist Lodge hrang hrang cheibawlna tur bungraw leina atana senso tur te sawiho a ni bawk.
Mizoram Tourism Development Authority (MTDA) hi Society niin, State dangah chuan sorkar laipui atanga Tourism tihhmasawnna tura sum pekchhuah te Corporation-ah vek pek an ni a. Mizoramah pawh Ministry of Tourism chuan Society din tura a rawn angin, MTDA hi din a ni a. Sorkar laipui atanga Tourism tihhmasawnna atana sum pekchhuah te online transfer veka kalpui a ngaih avangin, pawisa pekchhuahte MTDA account-ah hian lutin, a hmanna tur dik takah kaltir a ni a, department dangte kuta lut tur chu Finance kaltlangin pekchhuah thin a ni. Heta tanga pawisa pung (interest) hi MTDA Fund atana hman niin, Tourism chawikanna hna hrang hrang thawhnan hman thin a ni.
