Vawiin hian Lawngtlai DC thar Pi A. Muthamma, IAS chuan a hna a zawm tan a, Lawngtlai Addl DC, Pu R. Lalsangluaia, DRDA Project Director, Pu H. Dolianbuaia leh DC a Officer dangte te nen inkawm nghalin District chhunga hnathawh dante leh hmalakna hrang hrangte a sawipui a ni.

Pi A. Muthamma chuan, District chhunga hna thawh tawh leh hna kal mekte dinhmun hriat chian hmasak a duh thu sawiin District chhunga Department hrang hrang enkawltu Officer te a kawm hmasak tur thu a sawi a, tha taka sawrkar hmalakna te kalpui a nih theih nan theihtawp kan chhuah dawn a ni, a ti.

Lawngtlai Bawrhsap thar Pi A. Muthamma hi kum 1982 a piang, kum 2009 Batch IAS, AGMUT Cadre a ni a, thiamna lamah MBBS a ni a, Puducherry atangin Mizoramah a rawn insawn a ni.