3312/2022-2023
Champhai, the 20th January, 2023: Vawiin chawhnu dar 1 khan Champhai DC Conference Hall-ah DC Trophy Chess Competition neih dan tur chungchang District Bawrhsap Pu James Lalrinchhana hova rel a ni.

Bawrhsap Pu James Lalrinchhana chuan chess chu rilru leh ngaihtuahna mai bakah taksa tih hrisel nana infiamna tha tak anih thu sawiin, rilru leh ngaihtuahna tih chak nan zirlaiteah chess khel tam tura tanlak angai a ni, a ti a. Tunhnaiah Champhaiin Mizoram chess inelna lian hlawhtling taka a thlen thu sawiin, a vawikhatna atana DC Trophy Chess Competition Champhaia buatsaih tum chu phurawm a tih thu a sawi a. Zirlai leh thalai te'n chess khel tam se, hunawl hman that nan leh nun kawng hrisel zawh nan hmang se a duh thu leh, rilru leh ngaihtuahna tih hriam nana hman a pawimawh thu sawiin, chess chawilar nan Champhai District-ah theihtawp chhuah tum anih thu a sawi bawk.

Ruahman dan chuan January ni 24-25, 2023 chhung hian Champhai District Chess Association (CDCA) buatsaihin DC Conference Hall-ah DC Trophy Chess Competition buatsaih a ni dawn a. January ni 24 chawhma dar 10:45 ah hawnna neih a ni dawn a, Republic Day 2023 lawmna hunah lawmman sem chhuah tum a ni. Chess khelha tuimite chu tel theuh turin DC Trophy Chess Competition Organizing Committee chuan a sawm a ni.

He hunah hian DSYO leh Official dangte bakah Champhai District Chess Association (CDCA) hruaitute an tel a ni