Vawiin khan DC Conference Hall Mamit-ah Dr Lalrozama, District Bawrhsap kaihruaina-in DCC/DLRC/DLSC Meeting neih a ni.

Meeting kaihruaitu, Dr Lalrozama chuan Central Scheme hrang hrang-a Bank kaltlanga Loan pekchhuah thin chu mipuite'n a hun taka an hmuh ngei theih nana hmalak chu Bank thawktute'n kan tihtur a ni a. Chumi-a harsatna kan neihte chu a chinfel dan kawng zawng tura meeting-ah kan sawichhuah a tul thu a sawi.

Meeting-ah hian kumin June 2019, thlenga Mamit District chhung Bank hrang hrangte dinhmun thlirho a ni a. Meeting hnuhnung ber atanga hmasawnna thlirho zui a ni bawk.

Mamit District- a Bank hrang hrangte'n 30th June, 2019  thleng a, CD ratio hi 42.66% niin SBI Mamit CD Ratio hi 48.62% a ni. MRB Mamit hi 41.10% niin MCAP, Mamit CD Ratio hi 75.24% a ni bawk.

Bank hrang hrangte'n Central Schemes hrang hrang PMEGP, KCC, NRLM, PMJDY etc kaltlanga Loan an pekchhuah dan dinhmun thlirho a, sawizuina neih nghal a ni a. Bank hrang hrangte'n hmasawnna tur, duhkhawp loh lai leh hmalak dan turte sawiho zui a ni.

Meeting-ah hian Lead Bank Kolasib hotute, Mamit District chhung Bank hrang hrang aiawhte an tel a ni.