4312/2023-2024

Champhai, the 22nd March, 2024: District Child Protection Unit (DCPU), Champhai District chuan vawiin khan Kahrawt YMA Hall, Champhaiah Sponsorship & Foster Care Fund an pek naupang 130 nu leh pa leh chhungte naupang humhalhna Dan leh hriattur pawimawh hrang hrangte an zirtir.

He hun hi Pi R. Lalrinchhani, District Child Protection Officer (DCPO) chuan kaihruaiin, Pu Lalthantluanga Tochhawng, Chairman, Child Welfare Committee (CWC), Pi Lalhmachhuani Varte, President, Sub-Hqrs. MHIP, Pu T. Vanlalruata, Coordinator, Champhai Child Help Line leh Pi Vanlalhruaii, Protection Officer-te hnen atangin Juvenile Justice (Care and Protection of Children) Act 2015, Protection of Children from Sexual Offences Act (POCSO) 2012 leh nu leh pa mawhphurhnate ngaihthlak a ni. Naupang 130 fund dawngte hi Deputy Commissioner kaihhruaina hnuaia Sponsorship & Foster Care Approval Committee-in a lo pawmpui tawhte an ni.

Sponsorship & Foster Care Fund hi naupang zirna hmasawnna atante, medical mamawh phuhrukna atan leh naupang thanlenna kawnga mamawh hrang hrangte phuhrukna atana hman tura pek an ni.