4311/2023-2024

Khawzawl, 22nd March 2024: Vawiin khan Khawzawl DC Meeting Hall-ah Khawzawl District Bawrhsap Pu K. Lalrohlua, District Election Officer ni bawk hovin Lok Sabha Inthlanpui 2024-a hman tur IT Application hrang hrang te zir hona buatsaih a ni.

He hunah hian Lok Sabha Inthlanpui puala din IT Team Nodal Officer, Pu Timothy R. Lalhmangaiha chuan zirtirina a pe a. cVIGIL hmanga Model Code of Conduct bawhchhiatna report lo lut District Election Office atanga lo chhan let dan tur te;
Suvidha App kaltlanga political party ten aurinna hman, vantlang hmun hman, punkhawmna neih etc an rawn dilna, Encore hmanga lo chhan let dan tur te; Inthlannia Vote tla zat ENCORE hmanga report dan tur te bakah Voter taksa lama harsatna nei ten SAKSHAM App hmanga puihna an rawn dil chhan let dan tur te zir ho a ni.