4310/2023-2024

Aizawl, 22nd March, 2024: Vawiin khan kan hma lawk inthlanpui lo awm tura media kaihhnawih thil pawimawha mawh latu tura ruat, State Media Cell for General Election to the Lok Sabha, 2024 chu an chairman Dr H. Lianzela, Addl. CEO hovin State Media Centre, Treasury Square-ah an thukhawm.

State Media Cell thukhawm hian Lok Sabha inthlanpui lo awm turah vote a tlak that theihna tura hmalak dan tur chi hrang hrang an duang a, NGO/Civil Society te bakah tlawmngai pawl, hnam bil zirlai pawl hrang hrang leh kohhran hrang hrang thlalai hruaitute nen thawhhona kawng zawn nise an ti a, hei bakah hian media te nena thawhho dan tur te, social media platform hrang hrang hman tangkai dan tur te leh mipui vantlang hnena zirtirna beihpui thlak dan tur te an sawiho a ni.