4899/2025-2026 

Aizawl, 18th March, 2026 : Doordarshan Aizawl leh Mizoram Indigenous Games Association (MIGA) thawkdunin an buatsaih Doordarshan Mizoram Indigenous Games & Cultural Festival 2026 chu vawiin hian Ramhlun Sports Complex-ah hawn niin Art & Culture Minister Pu C Lalsawivunga’n he hun hi a hmanpui.

Art& Culture Dept. changtu Khuallian Pu C. Lalsawivunga chuan vawiin hi kan bultan nan ngaihtuahna thui tak senga kan hman a tul thu sawiin, hnam tin in tihdan phung kan neih angin kan culture te hi kan ngaihsan a, kan ngaihlut a kan vawn nun zel a pawipawh thu a sawi a, vawiin neih tan ni thum awh tur, Indigenous games hian mizo kan nih anga kan tihdan kan nunphung, kan culture a bet tlat infiamna kan chawinung thar leh dawn tiin a hlu hle a ti bawk. Minister chuan tunlaiah infiamna chi hrang hrang khawvel pum huap leh India pum huap in a awm chho zel a, keini mizo tehian pi leh pu atanga kan tih ve dan kan infiamna hi kan theihnghilh lek lek tawh tih theihin a awm a, Doordarshan Kendra leh MIGA tangkawp in, mizo te in a kan lo kalpui thin leh hlim taka kan pi leh pu te atanga kan lo hman tawh dan te chawilar leh duhna thinlung lo awm a he hun hlu tak an buatsaih anihi lawmawm a tih thu a sawi tel bawk.

Khuallian chuan, Culture hi a thang a, kan ei leh in tepawh a lo danglam chho zel a, kan nitin nun tepawh alo in thlak a, hmasawn tur pawh kanni, hmasawnna kawngzawh hi kan nihna tur leh kan tihtur pawh ani a, amaherawhchu kan nunphung te alo in thlak a, ei leh in thlenga alo in inthlak takah hian pi leh pu te atanga kan chin thin, thil tha vawiin ni atanga infiamna chi hrang hrang kan entir tur hi a hlamzuih ang tih a hlauhawm em em a ati a, chuvang chuan vawiin ni hian mizo zawng zawng ten kan infiamna pi leh pu te atanga lo awm tawh kan neih hi hre thar leh ila chawi thar leh tur leh hlim taka kan hman theih nan, kan hnam nunphung leh kan tihdan phung te chawilar chho zel turin kan in buatsaih chhoh zel a tul a, a ti a, thangthar ten mizo infiamna chi hrang hrang an hre tha tawh lova, chin dan tha zawk leh kan culture hi an hnenah hian tuh thar leh te hi a tul hle a ti hawk.

Hawnna inkhawmah hi Pu VL Thakima, Secretary, DD MIG & Cultural Festival 2026 Organasing Committee chuan thuhma sawiin, Tv Lalbiaknunga, Gen Secy, MIGA General Hqrs. chuan report a pe a, Chhawkhlei Cultural Club (PUC)-te’n Hlado an chham bakah Hnam lam an entir a, he hunah hian Lilac leh David Darlong-te’n kalkhawmte zaiin an awi bawk a ni.

Doordarshan Mizoram Indigenous Games & Cultural Festival 2026 hi Zirtawpni thleng neih tur niin hemi chhung hian Inbuan, Insuk nawr, Insaihruipawh, Inarpasual, Kalchhet, Invawr leh Kawikah hmangtein inelna neih a ni dawn a, zan lamah Zoram chhunga zaithiam lar ber berte nen hun hmanho thin a ni bawk ang.