4900/2025-2026  

Champhai, dated 18th March 2026 : Vawiin chawhma dar 11:30 khan KVK Khawzawl leh ICAR-NRC Grapes, Pune tangkawpin Hnahlan khua-a Grape chingtute hnenah KVK Khawzawl chuan an hmunhma ngeia kalin zirtirna an pe. He hunah hian Dr. Malsawmkimi, Senior Scientist KVK Khawzawl chuan kaihruaiin tunlai khawvel thang zelah Kuthnathawktuten hma kan sawn a tul zia leh Grape tharchhuah te tun aia hlawk zawka thar thei tura theihtawp kan chhuah a tulzia leh chumi atana tunlai technology hman thiam a pawimiawh zia a sawi a.

Dr. Lalngaihawmi, SMS (Plant Protection) KVK Khawzawl chuan rannung eichhetu laka grape ven dan tur te, natna hrik laka venna tur leh an grape than duhna tur vitamin chungchang te zirtirna a pe ani. Hnahlana khua-a grape chingtute hian an grape chawr rual lo hi an harsatna ani tel thin a, a chawr rual theih dan tur KVK-a thawktute hian zirtirna an pe bawk. He hunah hian kalkhawmte hnenah grape enkawlna atana leitha, rannung thahna hlo leh natna enkawlna tur bakah vitamin te an pe chhuak nghal a ni.

KVK Khawzawl hian TSP (Tribal Sub Plan) hnuaiah Hnahlan leh Chawngtlai khuaa grape chingtute hnenah tun aia hlawk zawka an tharchhuah theih nan theihtawp an chhuah mek a ni.