Vawiin chawhma khan DDK Aizawl Head of Office Pu KC Jain leh Deputy Director (News) Pu AK Jain te chuan Mizoram Governor Lt. Gen Nirbhay Sharma PVSM, UYSM, AVSM, VSM (Retd.) chu a pisaah hmu in, Kumthar thilpek an hlan nghal a ni.

Governor Nirbhay Sharma chuan Mizoram tihmawsawn turin DDK leh All India Radio te’n mawhphurhna sang tak an nei a ti a. Mizoram chhung mai nilo ram pawn thlenga an programme-in mipui tam zawk a thlen theih nan hma la turin a chah a ni. Mizo thalaiten Hindi thiam an chak a, a tello chuan India ram chhungah an thiamnate chhawr tangkai theih a ni dawn lo tiin, Hindi an thiamna turin an programme-te pawh her danglam hret hret turin a chah nghal a ni.

DDK Aizawl hotute pawhin an programme-te fiah zawk leh thui zawk a thlen theih nan hma an lak mek thu an sawi a. Mipui tan theihtawp chhuah an tum thu an sawi bawk a ni.