Information and Public Relations Department Director thar Pu David L.Thangliana chuan vawiin khan office luah tanin I&PR Directorate staff-te nen Pathian hnena inhlan tharna leh lawmthu sawina hun an hmang.

Director thar Pu David L.Thangliana chuan Directorate staff-te fuihna thu sawiin thahnemngai taka ram leh mipui tana thawhho puiah a sawm a. Pathianin eizawnna tura hna min pek hi a rawng kan bawl na a ni, tih sawiin I&PR staff zawng zawngte chu taima taka hna thawk tur leh mipui nena inhne renga hnathawk an nih hria a midangte tana malsawmna nih tum turin a chah. Director thar chuan sawrkar hna thawh ni hmasa bera Directorate staff-te an kai tha hle chu fakin kum danga inlungrual taka hna an lo thawh thinte chhunzawm a, hmasawn zel erawh tum theuh turin a fuih bawk a ni.

Director thar office Pathian hnena hlanna hunah hian I&PR Deputy Director Pu F.Lalfakzuala'n hunserh a hmang a, Directorate officer leh staff-te an tel kim hle.

Attachment

  • Loading attachment...