1394/2023-2024
Aizawl, 04.08.2023: Mizoram Hr. & Technical Education Department chuan Degree in Engineering and Architecture atana Spot Round Counseling chungchangah hriattirna heti hian a chhuah:
Degree in Engineering and Architecture atan CSAB-NEUT 2023 seat allotment round 2-na a kalpui zawh hnu a seat awl a la awm a nih chuan a hnawhkhahna tur Spot Round Counseling chu August ni 10 – 14, 2023 hian Examination Hall-I (Basement 2), Technical Wing, Higher & Technical Education Office, Chaltang, Lily Veng ah buatsaih a ni ang.
He counseling-ah hian CSAB-NEUT 2023 Information Brochure in a tarlang angin JEE (main) 2023 exam a minimum mark 45% (ST/SC tan 40%) leh Class XII examination a mark 50% tal lo hmu te chu an tel thei a ni.
Amaherawhchu, 1st leh 2nd round a seal lo chang tawhte chu spot round ah hian an tel ve thei dawnlo a. tel an duh a nih chuan 5th to 7th August, 2023 chhung ngeiin CSAB web-portal i.e. https://csab.nic.in ah an account ah login a, seat an lo chan tawh sa chu an withdraw hmasa tur a ni.
Tin, hun pek chhunga seat an withdraw lo emaw, seat an hmuhna Institute ah admission an tihloh a, Mizoram Seat Quota hloh a nih chuan an chungah dan anga action lak theih a ni.
Spot Round-a candidate inlan duhte chuan Joint Director (Technical) Office, Chaltlang, Lily Veng ah August ni 8, 2023 (Tuesday) tlai dar 5:00 PM rik hma in willingness form thehluh tur a ni. Form hi he office atang vek hian Rs. 10 chawia lak theih a ni.
Spot round neih ni ah hian heng document hrang hrangte hi Original Copy ken tel tur a ni:
1. Birth Certificate
2. Tribal Certificate/OBC/SC
3. Class X Marksheet & Certificate
4. Class XII Marksheet & Certificate
5. JEE (Main) Admit Card
6. JEE (Main) Score Card
7. Migration Certificate
8. Residential Certificate
9. Parents appointment letter (For Cat-III &IV)
10. Father's Voter ID
11. Mother's Vote ID
12. Transfer Certificate
Selection hi candidate-te JEE(main), 2023 a an tih that dan leh state reservation policy ah a innghat ang.
