90/2024-2025 

Aizawl, 08.04.2024: Vawiin chawhma khan Aizawl District Election Officer Pi Nazuk Kumar hovin DC Conference Hall-ah April ni 19, 2024 a MP Lok Sabha atana vote thlak naah Aizawl district chhung Polling Station thenkhat a puih ngaite puihna pek dan tur chungchangah CDPO, CMO leh Mizoram Scouts & Guides aiawhte nen meeting neih a ni.

DEO chuan vote thlaktu zingah harsatna nei a puih ngai te an awm thin thu sawiin, DEO office chuan heng harsatnate hi sukiang tura kawng hrang hranga hma a lak thin thu a sawi a. BLO te kaltlangin harsatna an thlen theih thin thu sawiin, HelpLine 1950 (Toll Free) ah emaw 0389-2317440 ah engtik lai pawhin biak theih reng a nih thu a sawi.

Vawiin meeting-ah hian Polling Station thenkhat, a bik takin Unique leh Model Polling Station a Scouts & Guides te, medical duty dah leh Crèche facility, voter nau hruai ten nau an awm theihna tur siam tura Anganwadi worker te duty tura indah chungchang sawi a ni.