4223/2023-2024

Aizawl the 18th March, 2024 : Kumin inthlanpui General Elections to the Lok Sabha, 2024 neih dan tur chungchangah tukin dar 11:00 khan District Electoral Officer (DEO), Aizawl District, Pi Nazuk Kumar, IAS chuan DC Conference Hall-ah Press Conference a nei.

DEO Pi Nazuk Kumar chuan inthlan chungchanga ni pawimawh hrang hrang a puang a, chungte chu hetiang hi a ni:

1. Date of Issue of Gazette Notification - 20.03.2024 (Wednesday)
2. Last Date for Making Nominations – 27.03.2024 (Wednesday)
3. Date of Scrutiny of Nominations - 28.03.2024 (Thursday)
4. Last Date for Withdrawal of Candidatures – 30.03.2024 (Saturday)
6. Date of Poll – 19.04.2024 (Friday)
7. Date of Counting – 04.06.2024 (Tuesday)
8. Date before which election shall be completed – 06.06.2024 (Thursday)

DEO Pi Nazuk Kumar chuan he inthlanpui hi mipuiin ngai pawimawh theuh turin a ti a, MLA inthlan a vote thlak kan tam ang khan tun inthlanah pawh hian kan tam theih nan tan la turin mi zawng zawng a fuih bawk. Media lam mite dik tak leh tluang taka inthlan a kal theih nan theihtawp chhuah turin a ti a, thil fel tawk lo awm ni a hriat reng reng chu inhrilhhre zel turin a chah bawk a ni.

He inthlanpui atana final electoral roll ni 08.02.2024-ah chhuah a ni a, mipa 1,34,843, hmeichhia 1,53,480 leh service elector 1,735 an awm a, a pumpuiah mi 2,90,058 vote thlak thei an awm a ni. Aizawl District chhunga electoral roll atanga hriat tur tlangpui chu hetiang hi a ni:

1) Elector tamna ber Assembly Segment: 15-Aizawl West-I (ST) AS (30094)
2) Elector tlemna ber Assembly Segment: 7-Tuivawl (ST) AS (17899)
3) Elector tamna ber Polling Station: 13/24-Zemabawk-VIII (1483)
4) Elector tlemna ber Polling Station: 7/26-Chhanchhuahna Khawpui (86)
5) Mipa za zelah hmeichhe awmzat (Gender Ratio, 2024) (SSR, 2024):1,138
6) Hmeichhe elector aia mipa elector tamna AC: NIL
7) Youth voter zat (kum 18-19 inkar): 10131
8) Senior citizen zat (kum 85 ch?n chung lam): 1493
9) Electoral roll a Person with Disability (PwD) elector chhinchhiah zat: 778
10) Polling Station zat: 321 (Urban - 257 & Rural - 64) 11) Lok Sabha, 2019-a Polling Station zat: 331
12) Polling Station punna: NIL (Chalfilh leh Tawi AS te Saitual District a an awm tak vang a ni)

Aizawl District-ah hian polling station 321 a awm a, hmeichhe hlang vil polling station Assembly Segment tinah 4 zel, a vaiin 48 awm tura ruahman a ni a, vohbik (Persons with Disability/PwD) hlang vil polling station 1 siam tum a ni.

Postal ballot/Home voting facility hi PwD leh senior voter-te tan hman tura ruahman a ni a. Election sum vil turin team hrang hrang ruat an ni a, election official leh mawhphurhna nei tur team hrang hrangte training pek an ni bawk. SVEEP (Systematic Voters’ Education and Electoral Participation) chu vote tla a that theih nan vote thlak tlemna hmunah special campaign neih tum a ni a, inthlanna atana hman tur khawl EVM leh VVPAT hi endikna neih zawh tawh niin District Strong Room-ah dah mek an ni bawk. Model Code of Conduct (MCC) chu inthlan notification a chhuah ni atang khan hman tan a ni a, sawrkar department leh party leh candidate-te tha taka zawm turin hriattir an ni.

Inthlanpui atan hian DEO Pi Nazuk Kumar hi Returning Officer (RO) a ni a, Pu Isaac C. Lalrempuia leh Pi Lalnunmawii te Assistant RO an ni bawk. Election Officer hi Pu Lalnunfela Chawngthu a ni.