457/2023-2024

Dated Aizawl the 16th May 2023: Tukin khan Deputy Chief Minister Pu Tawnluia chuan Aizawl Smart Street lungphum a phum.

He Aizawl Smart street lungphum phumna-ah hian Deputy Chief Minister Pu Tawnluia chuan Aizawl hmun laili tak a mipui te intih thawvenna tur hmun Smart Street sak a ni tur chu Aizawl in a mamawh tak a ni, a ti. Deputy Chief Minister chuan Aizawl Smart City atangin cheng vaibelchhe tamtak hmuh a ni a, chumi hmanna tur chu project hrang hrang kalpui mek a ni ,a ti a. Smart City hnuaia project-ho hi Department pakhat chiah hnathawh chi a nih loh avangin Department hrang hrang nen a inbiakna leh guidelines mumal taka thawh thin a ni, a ti.

Pu Tawnluia chuan Smart Street enkawl zui tur chuan sawrkar, kohhran leh khawtlang hruaitute thawhhona tha tak neih a pawimawh a ni, a ti .Duh anga project tan a nih theih loh nachhan chu a project sakna hmun tur a lo awm hmasa te,hmun remchang zawk a sawnchhuah an ngaih avangin hna tan mai theih loh a ni, a ti. Project thawktu tur te leh contractor-te chu chulmam nawn ngailo a felfai taka hna thawk turin a hrilh a ni.

Pu Lalrinenga Sailo, Aizawl Mayor pawh in thu sawiin sawrkar in a project hrang hrang ah thalaite lam hawi project-te chu a ngai pawimawh hle a ni a ti a, Smart Street pawh sak zawh a lo nih hnuah fai taka enkawl zui a pawimawh a ni, a ti.

He Smart Street lungphum hi Khatla, Industry Office kawt-ah a ni a, a sa tu tur te hi Unique Consultancy Service niin, a project hi Aizawl Smart City hnuai niin ,a thawhna man tur hi cheng vaibelchia 3.28 a ni. Mechanical Parking, open Gym leh intihhlimna tur thil chi hrang hrang awm thei tura ruahman a ni.

Tukin Smart Street lungphum phumna-ah hian Minister leh Aizawl Mayor bakah Pu Lalmalsawma Pachuau , Secretary UD & PA, Smart City Project CEO, UD & PA officers leh Staff, Khatla Local Council hruaitute, Kohhran leh tlawmngaipawl aiawh te leh sawmbik mi pawimawhte an tel a ni.