2890/2022-2023
Aizawl, dated the 1st December 2022: Vawiin khan Provisional Employees' Association of Mizoram, PHED Branch chuan an General Assembly vawi 1-na Multipurpose Cultural Complex, Berawtlang-ah an hmang a. Deputy Chief Minister Pu Tawnluia chu khuallian a ni.

Khuallian Pu Tawnluia chuan kan hnathawktute ngaihtuahtu DP&AR in thahnem ngai taka ram tana thawktu, a lian ber atanga te ber thleng ngaihtuahna seng Department changtu a nihna angin vawiin a sawm a nih chu lawmawm a ni a ti a. Sawrkar hnathawktute a lian ber atanga te ber thlengin kanin kam ki vek a, pawimawhlo tumah kan awmlo tih hria ila, hman lai deuh atanga a kalphung mumal lutuk lo a sawrkar hnathawk Muster Roll kan tih thin kha tun sawrkar hmalakna in Provisional Employee ti a vuahin kaldan thar leh mumal zawk duan a ni ta a ni a ti a. Khuallian chuan kan hun tha zawng zawng sawrkar tana hmangten sawrkarah regularisation an nih theihnan dan thar hrang hrang, post vacancy a awm a an ngheh theihnan dan thar hrang hrang- kum 7 hnu a, vacant post a awm a seniority behchhana regular theihna dan te, regular te hlawhzat atanga 50% fix pek te, Casual leave chungchangte, regular post sawrkarin a lak apiang a provisional employees tan 35% reservation te, kum khat ah hlawh 4% increment te leh thildangte duanchhuah thar a nih thu a sawi a. Pu Tawnluia chuan sawrkarin chutiang taka a hnathawkte a ngaihsak angin thawktute chu an kut a hna tla zawng zawng chu hun bi nei leh thahnem ngai taka thawk zel turin a chah a ni. Tui enkawltu bik kan nihna ah kan mawh a sang hle a, rinawmna leh inpekna nena mipuite rawngbawl zel turin a sawm bawk a ni.

He hun hi Vice President, Aizawl Branch Pu JH Lalpawlliana in a kaihruai a. President Pu Lalchamliana Tlau hnen atangin thusawi tawi ngaihthlak a ni a, General Secretary Pu C. Lalzarzoliana hnen atangin report ngaihthlak a ni a. Assistant Secretary Pu Pandru Gurung chuan lawmthu sawiin he hun hi a khar a ni. Chawhnu session-ah Inthlan leh Rorel hun hman a ni ang.

Tun dinhmunah Provisional Employees PHED ah tam berin mi 2010 an awm mek a. Vawiin General Assembly-ah hian District hrang hrang atangin chhimtu an lokal a ni.