Vawiin khan Deputy Chief Minister Pu Tawnluia chuan Secretariat Conference Hall-ah Aizawl huam chhunga tui litre Nuai 95.5 dah theihna, Water Reservoir Sawmthum hlanna hun a hmang  a ni.

Deputy Chief Minister Pu Tawnluia chuan thu sawiin, Government of India chuan Asian Development Bank (ADB) nen a tang kawpin North Eastern State khawpui panga (5) Aizawl, Agartala, Kohima, Gangtok leh Shillong te chu state dang khawpui te anga tih changtlun nan leh rual pawl pha ve turin North Eastern Region Cities Development Investment Programme (NERCCDIP) chu a kalpui a, he program in a tum ber chu heng khawpuiah te hian economic development a awm theih nan leh basic service- tui hnianghnar taka pek chhuah te, Ek leh thli sawngbawl te, khawpui faina leh thianghlimna lamah leh bawlhhlawh sawngbawl kawngah infrastructure din leh tih hmasawn te leh inzirtirna kalpui te, thuam that hi a tum ber a ni, a ti a.

Deputy Chief Minister Pu Tawnluia chuan he program hi JNNRUM guidelines mil a Program chhawng thum (3) (Multi-Tranche Finance Facilities) a kalpui a ni a, Program-1 na (MFF 1) chu 4th August 2009 ah loan sign a ni a, Program- 2 na (MFF-2 ) chu 19th November 2012 ah loan sign leh niin Project-3 (MFF-3) chu 28th January 2016 ah sign a ni ta a ni, a ti a. Deputy Chief Minister chuan he Program state level a thawk tu (Executive Agency) chu State Investment Program Management & Implementation Unit (SIPMIU) niin Special Purpose Vehicle, UD&PA hnuaiah an ni, a ti a.

Tranche-I chhung hian tuizem lian hlui tawh pasarih sak that hna thawh a ni a.Chowkidar Quarter hmun thumah (3) leh Site 0ffice hmun thumah (3) sak belh a ni. Tranche-I a hna tan ni hi 25th April, 2010 niin 11th April, 2012 khan zawh fel a ni a, sum sen zawng zawng chu Rs. 5,11,69,247/- a ni. Tranche-I chhunga Tuizem lian sak thatna hmunte chu Seventh Day Tlang, Bawngkawn, Tlangnuam, Zemabawk TB Tlang, Govt. Complex, Armed Veng, Mission Vengthlang  a ni. 

Tranche-II chhung hian PHE tuizem lian hlui tawh pakhat (1 nos.) sak that hna thawh leh a ni a (Hlimen). Hemi bakah hian Tuizemlian thar Mualpuiah leh Tanhrilah te sak hnathawh a ni. Tranche-II a hna tan ni hi 25th June, 2012 niin 18th January, 2014 khan zawh fel a ni a, sum sen zawng zawng chu Rs. 2,71,89,548/- a ni. 

Tranche-III chhung hian PHE tuizem lian thar pakua (9) sak a ni a. Tranche-III in a ken tel Rain Water Harvesting Tank sawmpakhat (11) sak thar a ni a, Site Office hmunrukah (6) sak belh a ni bawk. Tranche-III a hna tan ni hi 9th May, 2016 niin 8th November, 2018 khan zawh fel a ni a, sum sen zawng zawng chu Rs. 13,20,93,854/- a ni.

Tranche-I, Tranche-II, Tranche-III sak nan avaiin Cheng Nuai 21 vel sen  a ni.  

He inkhawm hi UD&PA Secretary Dr.C.Vanlalramsanga’n a kaihruai a, SIPMIU Program Director Pu Lalrothanga chuan Technical Report a pe a, Engineering-in-Chief, PHE Pu Lalmuanzova chuan lawm thu sawiin hun a khar a ni.