Deputy Chief Minister Pu Tawnluia chuan a pisaah vawiin khan a department chan PHE, UD&PA leh DP&AR a officer liante nen Pathian hnena inhlan tharna hun an hmang.

Pu Tawnluia chuan sawrkarin a hun taka pisa kai leh haw (punctuality) a ngai pawimawh dawn a, a department chana thawktute chu hemi kawngah mi dangte entawn tura hmahruaitu ni turin a fuih. Thawktuten neitu thinlung pua, sawrkar hi tute ta emaw bik anga en lovin anmahni ta a nih hria a, taima taka thawk turin a sawm a. Ministry a thute chu mipui aiawh, Zoram kaihruai tura mawhphurtu, mi pui tana siam an nih thu sawiin chapo tur an ni lo tih leh  mipuite rawngbawltu an ni tih hriat thar a tul, Deputy Minister chuan a ti. Inpumkhatna leh thawhhona tha a ngaih pawimawh tiin Pu Tawnluia chuan finchhuah a ngaihna laiah finchhuah a, puihbawm a tulna apiangah puibawm thin turin thawktute a sawm bawk a ni.

Pathian hnena inhlan tharna hun tawi buatsaihah hian Mission Vengthlang bialtu Presbyterian Pastor R.Laldinthara'n hunserh a hmang a. Department officer-te bakah amah tawiawmtu mi engemawzat programme-ah hian an tel a ni.