Nikum October thlaa sipai lakna runpui neiha candidate hlawhtling mi 150 bawr te chu December 29, 2018 khan sipai training a kal turin vailiam an ni a. Army Recruiting Office (ARO), Zemabawk ah thlahna neih a ni.

Tun tum sipai tang tur lak tharte hi General duty, tradesman and technical military training centre hrang hrangah thawn an ni a. Training tur tlahna hunah hian Army Recruiting Director Colonel Suresh Nair chuan sipai tling tharte fuihna thu pawimawh sawin, sipai tang tharte chu anmahni theih na leh thiamna vang liau liau a tling an ni tih inhre tur in a hrilh a. Ruih theih thil lakah fihlim tur leh an chhungte tan innghahna tlak ni turin a fuih.

Candidates 3000 chuang zingah a tha ber ber 150 thlan chhuah an nih avangin training chhung leh an service chhung zawng India leh Mizoram tan mi chhuanawm nih tum tur in Colonel Nair chuan a chah a ni.