Vawiin khan Mamit Fire & Emergency Services Department Mamit te chuan Khawpui chhung hmun remchang laiah te Kangmei lak a fimkhur ngaih zia inzirtirna "Fire Awareness Campaign" an nei.

Vawiin a Fire Awareness Campaign-ah hian Fire & Emergency Services Mamit te hian Sorkar in hal a phal loh Halpuah, Halmawi leh Sky Lantern hal hi mihring hriselna a tan a athat loh bakah kangmei chhuah a hlauhawm avangin mipuite hal lo turin an ngen.

Fire Awareness Campaign-ah hian khua a ro tan chhoh tawh avangin mitin te fimkhur turin an chah a, kangmei chhuah theihna chhan hrang hrangte leh inven dan turte, kangmei a chhuah palh hlauh pawh a, a thelh dan turte leh inchhung a kangmei a chhuah palh hlauh a athelhna tur tui bucket khat tal kawl lawk a pawimawh thu te mipui hnenah an sawi a.

Kangmei chhuah palh pawh a, an thelh nghal vat theihna turin Darkar 24 chung Emergency duty an awm reng thu leh engtik lai pawhin phone number 0389 2565077 ah leh 8728026822 ah te koh theih reng an nih thu an sawi bawk.

Mamit Fire & Emergency Services te hi kum 2012 atrang khan Sub Station Officer (SI rank) hoin mi 8 an awm mek a, kang thelhna tur hmanrua hrang hrang bakah Kang thelhna Motor 407 truck pakhat leh 207 pick-up truck pakhat an kawl mek a ni.

Attachment

  • Loading attachment...