Deputy Chief Minister Pu Tawnluia’n vawiin khan Mizoram Secretariat Service Association General Conference vawi 15-na Thara Resort, Falkland ah a hmanpui.

Deputy Chief Minister Pu Tawnluia chuan Mizoram Secretariat Service hnathawkte chu Sawrkar inrelbawlna hrang hrang – Secretariat ah te, Department ah te leh District ah te an awm avangin a mu hrum awmkhawm an ni a ti a, Sawrkar neitu an nihna lai te sawilangin, file te hi Superintendent level a bultan a ni a, chuvangin sawrkar thil pawimawh tak takah a bultumtu in ni a ti a. Sawrkar finchhuah te, hotute thurawn pek te Sawrkar tawiawmtu in ni tih te hi hre renga thapui thawh a inhnaa in inpekna tichaka belhchhah zel turin ka duh cheu ni, a ti bawk.

Sawrkar hna chu hlawh lakna atan chauha ngai lovin an thawh chhan ber mipui tana rawngbawl ani tih chu hre reng turah chahin Deputy Chief Minister Pu Tawnluaia chuan Sawrkar officer engkim hria in ni a, mipui, abik takin thingtlang lam atanga nangmahni lo dawr tura lokal te hi dimdawi a, tha taka lo dawngsawng a, Mizoram mipuite rawngbawl sak zel turin ka duh cheu ni, a ti. 

Pu Tawnluia chuan Sawrkar hnathawk reng reng tan Sawrkarah a neitu nihna ‘sense of ownership’ neih a pawimawh thu te, mi rin kai leh rinawm ‘integrity’ neih a tul thu te, mahni inthunna in zahawmna a ken tel thu te sawiin heng te hi hnathawh kawngah ngaipawimawh turin leh nunpui turin MSS officer kalkhawmte chu a chah a. Insiksawi Transfer and Posting chungchang a sawinaah Deputy Chief Minister chuan Sawkar hnathawk reng reng chu khawi hmunah pawh awm tur in ni tih hi in pawm a ngai, mi thenkhatin Aizawl leh Department lian ah chiah awm reng tura an inngai hi thil fuh lo tak a ni a, Mizoram khawi hmunah pawh awma mipuite rawngbawl sak tura awm kan ni tih kan ngaihtuahnaa a awm zel a ngai a ni, a ti.

Conference chawhma session hi an pawl Senior Adviser, Pu B. Lalthanliana, Secretary, SAD in kaihruaiin Pu F. Lalrinawma, President, MSSA in tunhnaia an pawl hma lakna thenkhat te tarlangin hun a hmang a. Pu Zahmingthanga, General Secretary, MSSA hnen atangin Report ngaihthlak a ni bawk. Chawhnu session a Technical Session hmangin hruaitu thar thlanna an nei bawk a ni.