Nimin khan Deputy Chief Minister Pu Tawnluia chuan MNF Founder President leh Mizoram Chief Minister hlui Pu Laldenga thlan tlawhin, zahna lantirna pangpar a hlan.

He hunah hian thusawiin Pu Tawnluia chuan  January ni 3, 2019 Mizoram sawrkarin hnathawh ni hmasa bera a ruat ah hian Mizoram Hnam Pa Pu Laldenga thlana a zahna pangpar an dah chu Mizo mipuiten Pu laldenga chibai an bukna anih thu a sawi a. Kum alo thar ang hian Mizo mipuite rilru ah pawh hnam hmangaihna leh hnam changkanna atana inpumpekna rilru lo pung leh zual se a duh thu a sawi nghal a ni.

Pu Laldenga thlana zahna pangpar Deputy Chief Minister Pu Tawnluian a hlanna ah hian Ex MNA member leh an hotute bakah MNF Women Front President Pi Lalrengpuii ten an tawiawm a ni.

Attachment

  • Loading attachment...