Deputy Chief Minister Pu Tawnluia chuan thalaite'n mahni kut kawih ngeia eizawnna an dap zel chu ram hmasawn nan a ngai tak zet a ni tih vawiin khan Zokhum Auto Works a hawnnaah a sawi.

Deputy Chief Minister Pu Tawnluia chuan thalai tamtak hmasawnna rahbi la an awm zel chu lawmawm a tih thu sawiin, sawrkar chauh nilo in a midangte tana eizawnna kawng an sah hawn sak zel chu ram thanna chikhat a ni, tiin a sawi a. Thalai thenkhat ruihhloa buai an awmlaiin, thalai tamtak fel leh tumruh an awm zel chu upa lam te pawhin lo lawm thiam zel turin leh zirtur tam tak upa lam te pawhin an nei ni a a hriat thu a sawi a ni.

Zokhum Auto Works hi Mahindra First Choice nen tang kawpa din a ni a, North East-ah sawmhnih pahnih awmin, Mizoram-ah a hmasa ber a tan Chawnpui-ah hawn a ni a. Motor hrang hrang Maruti Suzuki, Hyundai, Mahindra, Toyota motor leh adangte an khawih thei vek a. Company ina a training a pek mi 30 chuang an thawk dawn bawk a ni.