Vawiin chawhma dar 11:00Am khan Pu Bhupesh Chaudhary IAS, Deputy Commissioner kaihruaina hnuaiah Naupang kum 5 hnuailam hnena Oral Polio Vaccine (OPV) pek dan tur ngaituahin meeting neih a ni.

Oral Polio Vaccine hi tahrik ni 21.1.2020 atanga Mizoram pumpui a pek runpui neih tan a ni dawn a, hemi rual hian Siaha district-ah pawh pek ve a ni dawn a ni.

OPV Siaha District a kalpui dan tur ruahman ah chuan Booth 87-ah then a ni a, heng booth hrang hrangah te hian IPPI Supervisor 20 in an vil dawn a ni. Supervisor te chu hetiang hian an route tur siamsak a ni:-

1. Siasi Route-ah hian booth 12 a awm a, KM-10, No-aotla, Lóbô, Chhaolô, Iana, Siata, Châkhei leh Siasi khuate a awm a, Dr C. Lalfakzuala, MO, Chhaolô chu Supervisor atana ruat a ni.
2. Thiahra Route-ah hian booth 4 a awm a, Tipi Ferry, Riasika, Amôtla leh Thiahra khuate awmin, Dr Joseph Lalmalsawma, MO chu Supervisor atan ruat a ni.
*3. Tisi Route-ah hian booth 6 a awm a, Zero(Amóbyu-V), Amôbyu, Theiva, Theiri leh Tisi khua te awmin, Supervisor atan Dr.Zomuankimi, MO ruat a ni.
*
4. Chapi Route-ah thung hian booth 12 lai awmin, Siatlai, Zyhno, Ahmypi, Khopai, Laki, Chheihlu, Mawhro leh Chapi khuate a awm a, Dr Linda Lalbiaknungi, MO, Tipa chu Supervisor atana ruat a ni bawk.
5. Khaikhy Route-ah hian booth 7 a awm a, Vahia, Miepu, Supha, Lôpu leh Khaikhy khuate a awm a, Supervisor atan Dr Herbert T. Samuel, MO chu ruat a ni.
6. Lômasu Route-ah hian booth 9 awmin, Kiasie, Phura, Pala, Lôdaw, Tôkalô, Bymari, Maisa leh Lômasu te a ni a, Dr C. Hmingthansanga, MO Phura chu Supervisor atan a ruat a ni bawk.
7.Lôhry Route-ah booth 6 a awm a, Kaochao-E, Saikao, New Saikao, New Laty leh Lôhry khuate awmin, Dr Jerry B. Lalramtluanga, MO chu Supervisor a ni ang.
8. Tipa town-ah hian booth 4 a then a ni a, Tipa Bus Station, Tipa Bazar, Tipa Dairy bakah Tipa-B te a awm a. Pu Atluapi Azyu, H/W chu Supervisor a ni ang.
9. Tisôpi Route-ah erawh chuan Pu B. Thangpuia, H/W chu Supervisor a ruat a ni a, Tisôpi- I&II a vil ang.
10. Siaha Town (including transit point, Bualpui & Zero road) ah hian booth 25 lai a awm dawn a ni.

Siahatla-II&III hi Pi S. Laltanpuii chuan a vil ang a, Siahatla-I & New Siaha east-II ah hian Pu Lalramzauva chuan a thutchilh ve thung ang. Pi J. Lalthanzuali chuan New Siaha East-I & West-I a vil ve thung ang. New Siaha west-II& Council vaih ah chuan Pu Eric Lalchhanchhuaha chuan a thutchilh ve bawk ang. Pi Angô Chhachhai chuan College vaih-I&II a vil dawn a, Vaihpi-I&II chu Pi B. Lallawmpuii'n a thutchilh ve thung ang. Pi L. Lyrili chuan Vaihpi-III & ECM vaih te a vil ang a, Pi Cindy Lalrinmawii pawhin Meisatla-I & II a thutchilh bawk dawn a ni. Pi HC. Rebecca chuan Meisavaih east & west a vil ang a, New Colony- I & II vil turin Pu Vanlalpeka, NCD chu ruat a ni bawk. Pi Jenesy Bohia chuan New Colony- III & IV a vil ang a, Transit point (Bualpui & Zero) road a Tawngtaina hmunah te pawh duty hi dah an ni bawk dawn a ni.

Overall Supervisor atan Dr K. Rakhu, DTO leh Pi Mary Vanlalpeki, DPM te chu ruat an ni bawk.