11/2023-2024

Aizawl, the 3rd April 2023 : Dr. Lalhriatzuali Ralte, IAS Deputy Commissioner hovin vawiin khan District Level Coordination Committee(DLCC) on Civil Registration System chu Deputy Commissioner Office-ah an thukhawm.

Vawiin meeting ah hian Birth Record ah nameless entry a awm belh tawh loh nana hmalak chungchang te sawiin RBD Act leh Rules hian nau hming nei lova register a phal a, chuvangin nameless record hi a tam hle thin a. Nameless hi Damdawiin atangin a ni deuh ber a; chuvangin, hospital lam hian Birth report form-ah nu leh pa te Phone number ziak zel tura beisei an ni.

Meeting-ah hian kum 2022 a Births & Deaths data entry chungchanga Aizawl District dinhmun thlirhona te neih niin, Electoral Roll a thun dil tute Date of Birth proof atan Digitized Birth Certificate chauh pawmsak tura rawtna chungchang te, HSLC Examination form fill up laiin, a diltute Date of Birth proof atan Birth Certificate hmang tura nasa leh zuala kalpui chungchang te a ni a. Heng bakah hian Aizawl District DLCC member atan Additional District Registrar(AMC) telh tura rawtna te leh Births and Deaths events 100% register tura tan lak a ngaih chungchang te sawiho a ni.

Vawiin meeting-ah hian a kaihhnawih department member te an kal tha hle a ni.