2893/2023-2024

Lawngtlai dated 30th November 2023: Vawiin chawhnu khan NH-54 kawng zauh leh thawmthat hna kalpuina Project (Aizawl – Tuipang) chu Pu Joseph H.Lalramsanga, Deputy Commissioner hovin AOC veng leh Thingkah inkar a hmalaknate endik a ni a. He hun ah hian Pu Abraham Beirazi Khithie, Addl. DC leh Official dangte bak ah General Manager, NHIDCL, Village Council leh YLA-a hruaitute an tel bawk a ni. 

Thingkah leh AOC veng inkar a kawng zauh hna kalpui tan tawh ni si a zawh fel leh si loh avanga tui lakna chatlak leh kawng khu avanga mipuiin harstana an tawh dan te Deputy Commissioner hnen ah khawtlang hruaitute chuan lo thlenin chak zawk leh sawt zawk a hmalakna kalpui tur hian NHIDCL hotute chu hrilh nghal an ni. Pu Joseph H.Lalramsanga chuan kristian-te hun pui a hnaih tawh avangin khawtlang tan a harsatna leh buaina thlen thei zawng a hma la lo turin NHIDCL-a thawktute chu a chah a, hemi kawng a vilpui tur leh a tul apiang a pui turin khawtlang hruaitute a ngen bawk a ni. Vawiin kawng endikna ah hian kawng zauhna atan a ram in a huam chin (ROW), zangnadawmna dawng tawh si, hnathawhna tur tithuanawp thei zawng a la insaseng lo te chu a rang lam a insaseng tur a hriattir an ni a. Lungawi lohna la neitu chu an lungawi lohna kimchang thuneitute hnen a thlen tur a hrilhhriat an ni.

Attachment

  • Loading attachment...