1067/2023-2024

Lunglei the 7th July,2023: Vawiin chawhma khan Pi Ramdinliani Deputy Commissioner Lunglei chuan Lunglei Municipal Council Councillor te DC Conference Hall Lunglei ah inkawm khawmna a neihpui. He hun ah hian Lunglei Municipal Council Chairman Pu Lalzuithanga leh LMC Councillor te bakah Lunglei a sawrkar official te an tel a ni.

Pi Ramdinliani Deputy Commissioner Lunglei chuan LMC Councillor te chu theih tawp chhuaha Lunglei tana hma la zel turin a chah a. Lunglei khaw chhung faina leh thianghlimna kawngah pawh nasa tak a tan la turin a chah bawk. Pi Ramdinliani chuan Lungleiah bukna dik lo a tam em em a, hei hi ti reh tura hmalak a ngaih thu sawiin LMC Councillor te pawh hemi kawngah hian nasa taka tan la turin a sawm bawk a ni.

Vawiin a inkawm khawmna neihah hian Pu Donny Lalruatsanga Additional Deputy Commissioner, Lunglei pawhin fuihna thu sawiin Pu Lalramenga Sub-Deputy Commissioner in Department hrang hrang hmalakna te Power Point presentation hmangin entirna a nei bawk.

Lunglei Municipal a Councillor te pawhin Deputy Commissioner hnenah hian an ward chhunga harsatna hrang hrang awm te lo thlen ve bawkin a theih anga hmalak pui turin an ngen nghal a ni.