2679/2022-2023
Lunglei DC Pu Kulothungan A,IAS chuan a hnuaia mi ang hian dan lova Gutkha leh Gutkha product lak luh leh zawrh chungchang ah khapna thupek a chhuah.

Lunglei District chhung khua/Veng hrang hrangah dan phal lohva Gutkha leh Gutkha product a ruka kawl/zuar tamtak an awm tih hriat a ni a. Heng Gutkha product- te hi mihring tan a tha lovin a hrisel lo hle a ni. Hengte avang leh Lunglei District mipuite kan lo hrisel zawk nan khapna thupek chhuah ngei ngaiin ka hria a.

Chuvangin, kei Kulothungan A, IAS, District Magistrate, Lunglei District hian Sec.144 CrPC,1973(2 of 1974)-in thuneihna min pek angin a hnuaia khapna thupek hi ka chhuah e.

Lunglei District huam chhung khawi hmunah pawh Gutkha leh Gutkha product eng chi pawh kawl/zawrh khap tlat a ni.

He khapna thupek bawhchhetute chu Section 188 IPC dan hmangin hrem theih an ni.

He thupek chhuah a nih atanga thla 2 (hnih) chhung a huam ang.

He thupek hi vawiin November Ni 10,2022 hian District Magistrate Seal-a nemnghetin ka hming ka ziak hnan e.