Vawiin khan Dr. Lalhriatpuii Ralte, Deputy District Election Officer kaihhruainain DC Conference Hall-ah Aizawl District-a pianphunga rualban loten (PwDs) Vote an thlak theih nan Social Welfare Department a CDPO leh COs te nen meeting neih a ni.

Kum 2018-a MLA Inthlanpui lo awm turah hian PwDs Voters te vote thlaktir ngei tum a niin, hmalakna chi hrang hrangte  chu:

Mitdel tan EVM Balloting Unit-ah Vote thlakna tur candidate zawnah Braille a chhiar theiha siam a ni.

Kal theilo tan Polling Station-a PwDs awm tamna-ah wheelchair dah a ni.

A tulna hmun apiangah ramp dah a ni.

In atanga Polling Station kalna tur motor mamawhte tan lam leh thlah an ni ang.

Tawng theilote tan hriat awlsam turin Polling Official-te hnenah basic sign language zirtir a an ni bawk a ni.

Mitdel emaw taksa chaklo te, mahnia vote thlak theilo te tanpui turin Volunteers an awm reng a, i chhungte ngeiin vote thlakna hmunah an luhpui ang che.

Piangphunga rualban lote chu rei tak vote thlak tura an nghah lohna turin duhsak bik an ni ang a, Dar 9:00 AM atanga Dar 11:00 AM chhunga Polling Station an thlen chuan Vote  thlak nghal thei a ni ang.

Harsatna neih apiang te chu, Election Officials ten pui turin an inpeih reng a ni.

PwD Voter tan BLO emaw DC Office (SVEEP Branch) ah Phone Number: 0389-2313833, Toll Free: 1800-345-3690 ah biak theihna number leh mamawhte hrilh theih a ni. Aizawl Constituency-ah hian PwD Voter 1257 awma record a ni.