Nimin khan Election Commission of India atangin Deputy Election Commissioner, Shri Sudeep Jain leh Senior Officers te’n Mizorama Assembly Election lo awm tur chungchang Meeting nei turin Aizawl an lo thleng.
Meeting-hi neih nghal niin, Assembly Election atana ruahman lawkna thlir ho leh sawi ho a ni. Meeting ah hian Electronic Voting Machines (EVM) leh VVPAT chungchang inhrilh hriatna uar zawka kalpui tur a rel a ni. Hemi kawngah hian District tinah DC te’n meeting leh awareness programme buatsaih ni se, ti a rel a ni. Election Commision of India-in Kum 2018 atan Accessible Election theme a thlan angin, Deputy Commissioner te chuan an awmna khua leh tui te’n vote an thlak vek theihnan vohbik (disabled persons) te pawh enrollment siamsak tura hmalak ni se, tiin meeting chuan a rel bawk a ni. Boruak zangkhai leh ralmuang taka Mizoram-in Assembly Election a neih theih dan tur Police Officer te nen thlir ho niin; poll stations chungchangte, poll station chhunga mamawh hrang hrang tui in tur, inthiarna, taksa lama harsatna neite tan ramp awm theihdan turte sawi ho tel a ni.
He meeting-ah hian Chief Electoral Officer, Inspector General of Police leh Superintendent of Police te leh midangte an tel a ni.
